تونسيّة بكحل عينيّا .. بظلم المجتمع ليّا .. بصوتي العالي كي ندافع على حقي .. كي نسمعهم يقولو مسيّبة مسترجلة .. كي ناقف مع لي نحبو وما نجمش نقرب منّو .. تونسيّة بكتيبتي و كي يقولو شاعرة همّها المرا و هي ناكرة في روحها .. تونسيّة تخرج تعيّت في شوارع لبلاد ..

تونسيّة ضحكو عليّا قالو كيفها كي غيرها باز جاهلة أما كي تكلّم بثيقة حارو فيّا .. تونسيّة باسمي ندور في شوارع البلاد .. بقدري العالي بحقوقي بحرّياتي بدموع عنايّا ... نبقى ديما تونسية ... نبقى قويّة هكّا عاشو أجدادي هكّا عشت هكّا تعذّبت هكّا تحرمت من برشا حاجات أما نورمال يجي نهار و ناقف فالبلاد و نعطي لروحي معزّة النسا الضايعة