خلّيني نحبّك

خلّيني نضيع في خطوط يدّك فيعروقك في شراين قلبك , نطلع و نهبط مع النّفس متاعك

خلّيني نتنفسك باش إنّجّم نضحك و نضحكك و إيجا نهزّك لدارنا نورّيك لأمّي نقلها هو إلّي نحبّو و باش يهنّنيو هو إلّي باش يلمني من الدّنيا و هو إلّي باش يهنّيك عليّا ز نورّيها خيالك وخيالي ...

خلّيني نحبّك نكتبلك بنقشة يديّا شهور و أعوامو قرون و نملا  باسمك و بحلماتنا وراق الدّنياو حيوك البلاد نحكيلهم على السّوايع و الدّقايق كان لزم الثّواني إلّي عشتهم معاكو

خلّيني نعنقك نلصق في حضنك نتعلّق فيه نكونلك العبد إلّي يهز عليك هم الدّنيا ونحفظ في دنيتو بالتّفصيل و خلّيني نحبّك نزرع جناين ورد في لحيتك و خدودك و نغرسعلى شفافك ضحكات و نمسح من عويناتك دموع و نكتبلك ولاّ نكتب فيك إلّي باش تقراه ويخلّيك تحبني أكثر و فيهم إلّي نخبّيه باش خوفي عليك ما يخنقكش .

خلّيني نحبّك و نهرب بيك لظلام اللّيل ونحكيلك حكايات ترد النّجوم ياسمين و الڤمرة مسك اللّيل و نقلب الظّلمة علي خاطركنور و نرسملك حكايات ألف ليلة و ليلة و نعملّك نهايات سعيدة ..

خلّيني نحبّك ندوبفي حبّك و نبنيلك قصور و برور و نخلقلك مالصّحراء ماء يرويك و مالأراضي القاحلة مايشبّعك و يغذّيك و نكونلك الأم الحنينة و نمسح منّك أحزانك و نداوي جروحي بجروحكونزرع فيك أمل حب جديد بعد ما خابت ظنوني بالحب و نحط قلبي المهشّم في يديك كونلوالطّبيب و أمسح منّو وجيعة الدّنيا و الحقد و فكرة الموت و الحجرات إلّي حطّيتهمفي عروقو باش ما عاد يدخلّو حد وردني ليك بنيّة صغيرة بين يديك أطبع عليّا ريحتكو بوساتك و أربط ساقيّا بساقيك و ما تفرّقنيش عليك .

خلّيني نحبّك نبوسك نعنقك و نهرب معاك نحلمبيك و إنت بعيد و قريب , نضيع فيك ننسى روحي معاك و نتوحشك و نذوب في وحشك و أرجعأعملّي جوانح و علّمني كيفاه نطير في جنتك و نضيع في عينيك و في أمل ضايع يضويعليك و نخبّيك في وسطي و كان لزم نحطّك في عينيّا و نبعدك عل حسد و السّحارة , باشنعمل روحي نلوّج عليك و وحدي نستفرد بيك .

خلّيني نحبّك نصدرك بحذايا عريس .. تقعدبجنبي توشوشلي في وذني , تقرّبني لصدرك و تحكيلي حكاية في شفايفي .. حكاية ساكتةبلاش صوت .. حكاية تضحّكني بالحب و تطبع عليك حمّيري على رقبتك و زندك و كتفك وشفايفك الحلوّين , نحبّك تبات حذايا نحلم معاك حلمات الصّغار و الكبار حكايات فيهمأولادنا ودنيتنا القديمة و الجديدة و في الصّباح نفيقك من نومك ندّحنس عليك نخبّيكفي حضني و في شوني و نحبّك كاينّك ولدي ..

خلّيني نحبّك إنتي عين من عينيّا الحب إلّينحب نقسم معاه سواڤر و دبوزة هبلة و نقسم معاه الثنايا والحكايات المنسيّة .. نحب نحسب معاك حلمات ضاعو و أمنيات صارو و نحسب معاك ليالي كملت فيهم الڤمرة و لياليخطفني فيهم لون عينيك و ليالي درنا فيهم زناقي البلاد و دخلنا فيهم لنهج البخت باشزهري يقوى بيك ..

خلّيني عندك بيك تدفا الدّنيا و تحلى المطر و ننسى وجيعتي و يزيدفرحي .

خلّيني نحبّك حرام المحبّة تتحرم منّي و منّك