Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

حْلِيلْتِكْ

woman-love-poemAmir Oueslati - أمير الوسلاتي

حْلِيلْتِكْ ڨَتَّالَة بِالشَّوْيَة    بِنْڨُلِّكْ حْلِيلِي وِ شْوَيَّة

شَاهِي حْوَالِيكْ لِمْسَدْيَة    وِ حْوَاشِيكْ آهِي مْعَرِّيَّة

سْطَحْ الحُوشْ طْلَعْتِلَّهْ    صِدْرِي ضَاڨْ بِرْوَارِيَّا

ضَرِّتْنِي زُوزْ ڨْبَابْ      ضْرَنْتِي تْشَڨِّي لِوْلِيَّة

*

ضَاهِرْ جْهَرْهَا مْضَهِّرْهَا    مْنِ ضْهَرْهَا آشْ فِيهَا

أَسْرَارْهَا نُنْظُرْهَا نْظَهِّرْهَا   ظَاهِرْهَا زَيْ خَافِيهَا

بِنْزِيدْ نَافْلَة وْرَا نَافْلَة       زَيْ ڨَافْلَة تْهُڨْ فْيَافِيهَا

العَابِدْ ذَايِبْ بِنْوَافْلَهْ        وِ الكَافِرْ تَايِبْ لِمْنَافِيهَا

*

دْوِيرِتْنَا عِشَّة بِالطُّوبْ    ڨْدَاهَا شَجْرِةْ خَرُّوبْ

عَ الضَّيْ تْظَلِّلِ خُدَّاهَا    ڨِبَلْ مَا يْڨَّبِّلْ لِغْرُوبْ

العَشْوَة يِسْلِمْ رْدَاهَا    وِ اللِّيلْ بَادِي بِحْرُوبْ

دْوَاهَا بِيْذُوڨْ دَاهَا    آهَا وْ نَايَا المَضْرُوبْ

*

بِنْڨُلِّكْ سَايِسْ أَحْوَالِي    وْ بِنْڨُلِّكْ هِدِّيلِي حَالِي

لِحْرَامْ جَايْبَهْ لِعْرَبْ    وِ اِنْتِ جَايْبَة حْلاَلِي

نْجَافِي حَسْنَاتِي بِجْنَبْ    جْنَبْ مْسَاوِيكْ يَحْلاَلِي

حْلِيلْتِكْ هَادِينْ الرَّبْ    ڨَتَّالَة وِ شْوَيَّة آحْلِيلِي

أمير الوسلاتي
حْلِيلْتِكْ