كيف نتذكر إلي  لفلوس متنجمش تشري كل شي نسكر بالفرحة ،وكيف نعرف إلي فمة ناس تحط على الطاولة هناشر وفلوس وديامنت ولويز باش تلقى قلب  يخمم فيها وعين تبكي عليها دمعتين رحمة وقت الضيق و أيامات   الميزريا ندوخ بالشماتة !!!!

شماتة في الناس إلي قلوبها خايبة وإلي  تر ا إنو بلي تكسبو تنجم تحكم  في البلاد والعباد !!!

ويضربني غزول مالوقت الخايب إلي يخلي أربعة صوردي في البانكة صوتها  أعلى من صوت المحبة وأحلى من كلام  قالهولك راجل ما يرى الدنيا كان بيك ، و يشق البرور والبحور على خاطر غزرة حلوة من عينيك ،،

وعلى خاطر عندي برشة  حاجات حلوة في حياتي ما تتصرفش في حتى بلاد في الدنيا أما برشة ناس دافية وقلوبها صافية  مستعدة تعطي إلي وراها وإلي   قدامها باش ما تخسرهاش !!!

كيف  تحل عينيك وتعرف انو لفلوس تمشي وتجي والصحة تغدر وتخون أما ولد الأصل عمرو لا يغدر لا  يبيع لا يرخ لا يخون !!!!

وقتها  تعرف إنو  المادة حاجة رخيصة برشة ومتنجم تشري إلا الحاجات الفالصو وإلي ما عندها  حتى  قيمة !!!كيف تخدم كرهبتك وتمشي   للطبيب ويقولك إنو لا يقدر عليك  عندك مرضة كبيرة ما تتداواش وبرغم  هذا  تضحكلو في وجهو وتقلو ببرشة ضمار وقوة وثقة في ربي وفي قدرتو وفي الناس إلي داير ة بيك  إنك عندك راس مال كبير أغلى من الفلوس وأبقى من الصحة وأقوى من المرض  وإنو العمر يوفى والشي إلي يربطك  بالناس إلي وقفو معاك وقت الشدة  وأيامات الغصرة ما يوفاش !!!

كيف تخدم كرهبتك وتمشي   للطبيب ويقولك إنو لا يقدر عليك  عندك مرضة كبيرة ما تتداواش وبرغم  هذا  تضحكلو في وجهو وتقلو بضمار وقوة وثقة في ربي وفي قدرتو وفي الناس إلي داير ة بيك  إنك عندك راس مال كبير أغلى من الفلوس وأبقى من الصحة وأقوى من المرض  وإنو العمر

نظرتك للعالم تتبدل كيف تعرف إلي كيف ما فمة  العبد الطماع إلي ينحيلك إلي عندك وياخذلك من وقتك وجهدك فمة النفوس الطيبة والمزيانة إلي تقسم معاك  الوجيعة والتمرميد من غير ما تمن عليك وتطلب بش تخلص على خدماتها !!!

قيمتك تولي أكبر من قيمة الشهادة إلي خذاتلك أحلى سنين عمرك والمنصب إلي  خلاك تتكبر على ناس تبيع الدنيا وتشريك والحارة ديار إلي صورتلك إنو إنتي وإلي إخترع البنسلين فرد قدر كيف تعرف تفرق بين  اصحاب  المصالح و- اصحاب العمر والذهب  المغطس والناس الفوندو و حط بين عينيك تطوال تقصار يرق الذهب وميتقطعش !!!!