Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
قداش حبيت ننساك
Ahmed Trigui - أحمد الطريقيعاملة معايا لا نحبك و لا نصبر عليك
وانا قعدت نتبع في خطاويك
و كيف تهرب نجيك
قداش كل مرة نفسخ سطر كتبتو ليك
و وقتاش تصويرتي تتفسخ من بين عينيك
و علاش من دونهم الكل تبليت بيك
تي شنوة الي بلاني بيك
مخك على قدو تهرب و ترجع كيفما هاكا الفرتطو
تي طفلة عادية اتبع فيهم وماشية في فرد ثنية
لاك باهية و زادة ماكش دونية
قداش حبيت ننساك و قداش من مرة حبيت نبعدك عليا
شنوة هذا الي جرا فيا منك يا بنية
ساعات نقول كان تقعد ديما بجنبي و ساعات نقول ما صابها جات نسمة متعدية
قداش من مرة نشكي بيك الربي
و نحكيلو على قهرتي و غلبي
و نحكيلو علي متخبي
و نقولو راهو قلبي معبي
و مبعد نرجع نقول ماهو الذنب ذنبي
انا العشقتك و حبيتك
انا الي فوق راسي تاج حطيتك
انا الي هويتك
انا الي ضحكتك و لا وجعتك و لا بكيتك
انا الي شتهيتك و على قلبي وشمة حطيتك
انا الي نتخيلك كيف تبدا قاعدة في بيتك
مع سيقارو نصف الليل
سيقارو هدان الحيل
الي معا كل نفخت دخان تخرج من عينيك دموع
الي معا كل نفخت دخان تخليك تسلم و تعطي الطوع
الي معا كل نفخت دخان تزيد التعبك و تولي معاش فيك مطموع
الي معا كل نفخت دخان تحير حكاية مرشومة على الضلوع
نعرف الي كلامي ما يتنساش
نعرف الي حبي ليك موش باش يمشي بلاش
نعرف الي انا استمراض
نعرف الي مخك بيا خاض
نعرف الي قلبك المعبي فاض
نعرف الي مكتوبلي النسيان
نعرف الي المتخبي يجيه نهار و يبان
نعرف الي تخمم فيا تقول نرجعلو و قلبي مطمان
نعرف الي انا نعود نحصل و نعطي فيك الامان
...
أحمد الطريقي
Website Design Brisbane
Tags: