Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

خلي الشعب مخدر

critique-essebsiسنيا الحري - Sonia Horry

الدنيا قد ما تقسى عليك متقولش راني تعبت

كبش بيدك وسنيك وقول انا باش نوصل

الدنيا ظالمة صحيح فيها برشااا ظلم وبرشا غبينة

حتى حاكمنا كمل علينا كل يوم يزيد في الأسعار

وكل ما يشوفنا مازلنا نتنفسوا يزيد بالمتراك علينا

بلادي ولات حوت ياكل حوت وقليل الجهد يموت عادي كيف تمشي مريض واقف على ساقيك تروح لدار ك في كرسي متحرك

عادي تقول فرجت وتهز ولدك المتعذب باش تعملوا عملية زرع

تلقاهم سرقوها وباعوها للي اغني منك يخسروا عليك ربي يعوضك خير

في بلادي تمشي مرأة زوالية تلوج على خدمة يتحرش بيها الي يسوى ومايسواش

في بلادي طفلة صغيرة يغتصبوها

مراهقة يغتصبوها

مرأة معرسة يغتصبوها

حتى عجوزة يغتصبوها ويزيدوا يقتلوها

في بلادي برشااا نوار وخضار في النصر والمنار

وبرشاااافقر وبرشا قهر في القيروان وجندوبة وتالة

والقصرين وكل شبر في بلادي عزيز عليا

لكن حكامنا فرقنا وشعل نار الفتنة

في بلادي تمشي للخضار تتخنق تمشي للدجاج تحس بدموعك بدات تحرق فيك وتدخل العطار تلبسك الغصة اشنوة باش تشري اشنوة باش تخلي

وكان تعديت من قدام الي يبيع الغلة تحط يديك تصيبك علة

في بلادي برشا قهر نمشي في الثنية نشوف في عيون الناس برشا وجيعة برشااا تعب

يدخل يديه لمكتوبوا ويبدأ يتمم زعمة فلوسي باش تغذيني وتعشيني والا نرقد بدمعة في عيني

يا راعي البلاد وين باش تلقى بلاصتك عندك ربي

جوعت الشعب وورثت الحكم لولدك

والشعب غرقتوا في الزطلة والمخدرات

خلي الشعب مخدر وانت اسرق وزيد في الأسعار

اليوم ليك العب كيف ما تحب غدوة ينقلب السحر على الساحر

- لست شاعرة -

سنيا الحري

خلي الشعب مخدر