Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

الخبزه مره

protestation-pauvreteسنيا الحري - Sonia Horry

الخبزه مره يا  وليدي والحاكم فينا كل يوم في الاسعار يزيد

القلب معبي يا وليدي والبلاد  يقود فيها الذيب

في تونس الخضراء قلوب الناس حمراء ودموعها فوق خدودها تشعل جمرة

انت يا زوالي ما عاد ليك مكان هكة قالت الدولة

وين تمشي تلقى الجوع والفقر والبطالة

ناس معادش خالطة على غذاها

وشباب كيف الورد الحوت كلاها

يا وطن الخنازير الخاين فيك وزير

والمقهور يموت عليل

يا بلادي كل الي حكموك غدروك

نهبوا خيرك

وقالوا لولادك موتوا يا كلاب

يا بلادي علاش صاحب الشهادة يعيش محتاج

والقواد يتحط فوق الراس

قلبي معبي نخاف نهار يثور

ثورة زوالي مخلطش على حق خبزة

وغيروا ياكل في الكفيار

ويهز في الاسرار

يبيع في جذور الوطن

يا ولد بلادي فيق

الحرقة عمرها ماكنت مفتاح الجنة

عيش في بلادك وحارب الظروف

خوذ حقك

وخليك رافع الراس

وانت يالي قاعد في الكرسي

تحكم وتامر وتحرف في القران

وتبدل في شريعة ربي

غدوة موش مضمون

لوكان ادوم راهي دامت لغيرك

زيد اغرق في الفساد والكفر

فغدا سينتصر الشعب

فالوطن هو الشعب

والسلطة ملك الشعب

الشاعرة سنية الحري

Saveالخبزه مره