لا يؤمن أحدكم حتى يحب لأخيه ما يحب لنفسه

..
قداش يحتاج تدبر الحديث هذا

..
يحتاج إنك تعرضوا على نفسك و تحاسبها هل تحب الخير لغيرك كيفما تحبو روحك حقا أم لا..في الاغلب بش تلقاها أبعد مايكون..هذا إذا كنت صادق مع نفسك..و تنجم تقيمها و تحاسبها و تلجمها

..
عرفت عباد تكرهلك الخير و تعمل كل شي باش ادمرك..و انت في قمة البلاء تلقى سبب تحسدك عليه..يمكن حتى عالموت يحسدوك 

..
و شفت ناس تشفق عليك كي تبدى في البلاء و تتغشش كي ربي ينعم عليك بحاجه

..
و ريت ناس تحبلك الخير أما المهم ماتفوتهمش

..
و قلة قليلة يتعدو عالصوابع يحبولك الخير كيما يحبوه لرواحهم..و الناس هاذم نادرين..قراب من ربي برشا..جاهدوا و رباو نفوسهم فولات خيرة تفيض بالخير و الرحمة

..
أنا نعرف اللي إنت تحب تتميز و تحب تنجح و تحب تكون خير من غيرك..و انا نقلك اللي التميز الحقيقي إنك تكون مالناس اللي تحب الخير لغيرها كيما تحبوا لروحها..و في هذا فليتنافس المتنافسون

..
و هذا مقام الإيمان فمابالك بالإحسان

..

وَاللَّهُ يَقُولُ الْحَقَّ وَهُوَ يَهْدِي السَّبِيلَ