Zaineb S. - زينب س

روحنا وحدنا وصلنا قدام الدار ،هبطني مالكرهبة و انا نكركر فالروبة ،جينا طالعين فالدروج وقفت ،دارلي :

-شبيك هيا

بقيت ساكتة و كشبرت

-غالية اش ثمة تكلم هيا امشي

-ياااا هارون نسيت شنوة تفاهمنا !!مش بش تحملني و دخلني لدار

-هههه اي حبي عالاقل اطلع فالدروج و بعد تو نحملك حتى لبيت النوم

-لا لا ما يهمنيش انت وعدتني تحملني من توا

-هههه غالية تحكي بجدك ،الناس تتفرج فينا

هزيت روبتي متغشة و جيت ماشية

خطفني عدا يدو تحت ساقي و حملني مسكين رزنت عليه بالروبة و طلعني فالدروج و انا معادش انجم بالضحك و هو محملني و يبوس فيا من عينيا ،وصلنا قدام لباب مديت يدي جبدت لمفتاح من جيبو و حليت لباب ، وصلني

حتى لفرش بيت النوم رماني فوقو و اتكى بجنبي

-اووووف ماله طريح حديد عملتو ههه

-ياااا امان علاش ترا فيا بوطية

دارلي عدا يدو فوق كرشي ،طبس فوقي غزرلي في عيني

-غالية مش مصدق والله

عديت يدي على وجهو

-اممم شنوة اللي مش مصدقو

-مش مصدق غالية اللي وليت ملكي مرتي متاعي انا وحدي

-هاروني روحي انا وحدي و توا ما يفرقنا شي نحبك نحبك

بستو بالقوي من خدو ،دار جا فوقي

-هارون قوم فاش تعمل

-هههه شبيك خايفة مش عنا برشا نستناو فالليلة هذي ،بدلت رايك ؟

-اه اممم ما نعرفش

-اس ما تخافش الغالية راك

قام و جبدني بيديه جيت واقفة بجنبو نحالي الروبة ،باسني من ضهري و خلاني ،بعد شوية و بدا يحل في الشوميز و يرخف فالكارافات و انا قلبي يضرب فالميتين ،لبست نويزات فالابيض طويلة و فيها فونت على طول ساقي و

بروتال ،دار حل فمو بهت فيا ،مشى طفى الضو و انا بش ندوخ سايي ..

قرب مني بعدلي شعري باسني من رقبتي جبدني للفرش رقدت في حظنو لعبلي على شعري شوي و بعد طبس لشفايفي باسني و صار كل شي بسهولة و رقدت عندو ليلة كاملة ....