Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عشرة عمر #16

zaineb-s-infidelite-romanZaineb S. - زينب س

تعداو احلى ايامات محواس سهريات جو ،و شنوة احلى من انك تاخو الراجل اللي تحبو و يحبك ،و في بالي تحصلت على النهاية السعيدة متع حكايتي ما فيباليش بالدنيا شنوة مخبيتلي ،تعدا عام عرس الوقت يجري ما فقتش بيه و كيف اي زوز معرسين جدد كبست علينا الظروف شوية و بالاخص انا ما نخدمش لذا قررنا بش نأجلو حكاية الصغار لين ناقفو على ساقينا بالقدا و انا نشوف خدمة نعاون بيها هارون ...

نهار حسيت بدوخة ،الدنيا دارت بيا و لفني لعرق ،عملت تاست طلعت حبلة ما عرفتش نفرح ولا لا ،حسيت روحي داخلة بعضي نستنا في هارون وقتاش يروح ،دخل يلقاني وجهي اصفر جاني يجري

-غالية شبيك لباس ؟؟

-لباس اقعد

-اش ثمة

-هارون سامحني ،نعرف احنا تفاهمنا اما ...

-اما شنوة شبيك فجعتني

-انا حبلة

قام ينقز حملني

-يا مهبولة تو هذي حكاية تغشش

-هارون احنا مش محضرين للبيبي توا الظروف ما تسمحش

-يزي يا بنتي الصغير يجي برزقو شبيك ،افرح غالية

-ههههه فرحان بعملتك

-هههه اه ماله و نحب وليد زادة

-بربي !! شبيهم لبنات ؟؟

-نعرف روحي عاد راجل ما يجيب كان راجل

-ههههه مله تخلف

طبس عليا طلع فوقي و بدا يحل فالشوميز متاعو

-عزيزتي اش قولك نعاودو نثبتو

-ههههه يا مهبول

-مهبول !! مازلت ما ريت شي .......


زينب س.


عشرة عمر #16