Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
بلاش بيك نبضي زاد قوى
Wejden Gasmi - وجدان قاسميبكيت وعيطت ترجيتك لين عييت قتلك ماتمشيش ماتخلينيش نبضي يوقف بلا بيك
خليك! خليني فرحانة بيك ونهز رأسي نتفوخر بيك
نقول عندي سيد الرجال و الكتف إلي نتكى عليه في حضورو أنثى و في غيابو راجل.
قتلك ماتمشيش نبوسلك يديك و نلبيلك إلي تحب عليه
خليك! راك العرصة الصحيحة في البنية الخايخة
راك شمسي في عز الشتوية
راك نجومي إلي تضوي عليا
وعدتني بش تكون ليا
حلفتلي وقتلي ماتبعدك عليا كان الموت
أنا وأنت مانتفارقوش أحنا ماناش زوز أحنا قلب ويد وحدة إنت دنيتي المزيانة
انت النوارة في وسط كومة الشوك. ...
جاء نهار الي بركتلي فيه قوامي خليتني طايحة ضائعة هائمة مانيش عارفة شصار .
جرحي سهال عليك عفستني وخليتني مرمية لا بعدتنا الموت ولا الثنية
بعدتنا الغدرة لخلاتك تسلم فيا
بينتلهم إلي كلامهم الكل صحيح
هانت عليك العشرة والمحبة
ونسيت كل حاجة وكل كلمة ربطتنا ببعضنا نسيت ضحكنا وهبلتنا
مشيت وسكرت البيبان وراك لا كلمة تفيقني وتقلي راك في حلمة ولا تلفيتة تخليك تغزر العينية المدمعة.
طيحتك فيقتني
قواتني مسحت دموعي و ضمدت جروحي وحدي
مامتش بلاش بيك نبضي زاد قوى
هزيت رأسي فرحانة إلي أنا بلا بيك خاتر
ماخسرتش راجل إلي نتحسد عليه. .
وجدان قاسمي
Website Design Brisbane
Tags: