Les souvenirs

كيما أول ستيلو شديتو وأول تخنطيبة كتبتها

كيفها كيف أول خطوة مشيتها وأول كلمة نطقتها

كيما ليوم

كيما أول غزرة وين تلقات لعنين ودقة القلب لولة

على خاترني أنا وخاتر روحي لمشات وطارت في السماء خاتر بدني المهدود   وروحي لمشات تزور.

على خاتر شعري الطايح ووجهي الذابل

خاتر الدموع إلي شاحت والنفس الطالع الهابط

خاتر ساقي إلي وقفت ومعادش تنجم تمشي لا عرفت تقدم ولا توخر  

بكيت وعيطت ترجيتك لين عييت قتلك ماتمشيش ماتخلينيش نبضي يوقف بلا بيك

خليك!  خليني فرحانة بيك ونهز رأسي نتفوخر بيك

نقول عندي سيد الرجال و الكتف إلي نتكى عليه في حضورو أنثى و في غيابو راجل.

قتلك ماتمشيش نبوسلك يديك و نلبيلك إلي تحب عليه

الرأس شاب

الساقين حفاو

عفست عالشوك لين ولا رماد

عيطت لين صوتي بحاح

قالولي خوذ ستيلو و ورقة واكتبلنا عليه لي خذالك قلبك وسكن فيه ياخي جاء النهار الي وليت تحب فيه ؟ نحبوا نعرفو شكون لي خذالك عقلك وطار بيه احكيلنا خرج الفرحة الي فيك شاركنا باللقة الي خارجة من عينيك ماإلي دخل لحيااتك ووجهك الضحكة ماغابتش عليه . ماناش مصدقين جاك نهار ووليت تحب فيه وتحكيلنا عالحب الي تعيش فيه صحة ليك مااحلاه الإحساس لي حاسة بيه ،جاك الراجل لي تمنيت وطيرك لدنيا بنهالك بيديه . ماخلاكش تتعب بش تلوج عليه. جاك يجري على حصان أبيض هو الي يمشي فيه .

تي احكيلنا ووأصفلنا زينو لي ذوبك بيه عينيه زرق ولا كحل شنوة الي يميزوا عالرجال لأخرين ؟ هذا الصدر لحنين لتمنيت تتكى عليه . ويكتبلك شعر يخليك مالفرحة طير بيه ؟ جاك الحب الي تمنيت تعيشوا وانت طايرة بالعشق الي كتبتوا بيديك ؟ مانجم نكون فرحانة كان بيه فرحتي انا لصنعتها بإيدي لثنين مزال ماجاش النهار لي حلمتوا بيه . لوقتاه بش نقعد دافنة ضحكتي ومخبية فرحتي نستنى فيه !! يعني أنا نموت بلاش بيه ؟ الدنيا لي طرتلها بنيتها بإيدي زرعتهابالفرحة والضحكة لي تخبات سنين ماجانيش على حصان ابيض لحصان انا لاخترت نمشيه .