Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
برشا حمل
Dorsaf Chabchoubi - درصاف الشبشوبي
نحس في روحي مخنوقة...
ناقصتني حاجة موش عارفتها شنية..
يمكن نعرف و نكذب علي روحي..
يمكن انت..
يمكن..
مخنوقة من كثر ما تعبيت كلام..
احاسيس...
لين ماعادش نجم نحكم فيها..
ولا نحكر ولا عاد نعرف نقيس..
الشي فاض...
فات الحد..
ماعادش يتعد...
فات الحد..
و الحدود...
فات الماضي.. و الحاضر.. و الموجود..
مافاد كلام.. الحل في السكوت..
ورب المعبود..
وحدو عالم بالحال و الهم الي مدرق ورا الحيوط..
حيوط الروح الي تحصرت في بدن..
روح.. الي القلب عليها ما حنّ...
حد ما شاف لمخبي..
ورا عينين تِحمل و تخبي..
و مازالت تعبي..
و الخبابل..
الي في الراس الدور...
جوجمة.. برشا حس و كلام..
برشا ندم.. و ملام...
برشا وجيعة.. مغلفة بتبسيمة عالخد..
برشا حمل منو الحيل تهد..
درصاف الشبشوبي
Website Design Brisbane
Tags: