Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
شتعمل
Dorsaf Chabchoubi - درصاف الشبشوبيشتعمل فاللي سلم فيك...؟
فإللّي باعك و ماسألش عليك...
فإللّي وجعك و بيدو هو يداويك...
اما خلاك بوجيعتك و ستحلاها فيك...
فإللّي قسملك ظهرك... و كسرلك إيديك...
بعد ما كبشت فيه بأقوي ما فيك...
فإللّي مشا و خلاك... وقلك غدوة الزمان ينسيك...
قلك انت ماكش ليا... و انا موش ليك...
ما تبكيش تو غدوة الزمان يداويك...
شتعمل... ؟؟
فإللّي باعك و رماك علي طول ذراعو و ذراعك...
فإللّي هجرك... و خلاك بعد وعدو ليك...
بعد ما قلك عمري ما نخليك ولا ننساك...
شتعمل...!!!
بعد ما شيّح الدم في عروقك و سقاك السم و المرّار...
بعد ما شاحت في عينيك الدموع و كساهم السواد...
و بدل ليلك موش بنهار... لا اما خلاك ايامك لكل سواد...
حتي نهارك اسود ڤطران...
ريقك شايح يابس من كثر ما بلعت كلام....
حتي جلدك شااح كل شي فيك يصيح و هارب...
شتعمل... ؟
فإللّي خلاك مسموم...! مهزوم...عبّاك هموم...!!
الضحكة اللي كانت بدلها بتكشيرة عالخدّ...
شتعمل...
كي تقوي بيك لوجيعة... كي ترسم في بدنك خطوط كي تتفكر لخديعة... ؟
كي تصيح لين تغرش و صوتك يبحاح...
كي صوابعك تولي سكاكن تخربش فيك... ؟
كي النفس يرزن عليك...
و راسك يسطّر و الدنيا كلها تظلام في عينيك...
كي ساقيك هما زادة يخونوك وما عادش يتحملوا الرزن اللي في ڤلبك تعبى...
و الحزن اللي كسا لون عينيك...
و الهمّ إللي علي كتافك و هابط يتسرسب لأخر ساقيك...
شتعمل...!!!
كي يموت كل شي في عينيك... ؟
تضيع النكهات... تتمحا الأوان... تتبعثر لحروف...
السان يرزن... الدم يكحال... العينين جمر... الڤلب يولي رماد...
و تتحصر في بدن تاعب...
شتعمل...؟؟
كي روحك تنين و تتوجع و انت صوابعك باردة...
عيونك شاردة... ساردة... و جلدك يوليلك كفنّ...
شتعمل... ؟
كي تعطي ڤلبك للي يعصر جد بوه الكلب...
يمسح فيه ايديه لمسخة باللوجيعة....
يعفس عليه خاطرك سكنتو فيه...
لقاه أبيض حب يلون فيه...
عباه سواد... و دم... و هم... و جروح...
و خرج من حياتك... و هز معاه الرّوح...
درصاف الشبشوبي
Website Design Brisbane
Tags: