Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

نهايتي

desespoir-slamSaida Jaafer - سيدة جعفر

مترو الخمسة متاع الصباح

فد مني

حد م فيه

كان أنا.

نركب، نهبط. نمشي، نكركر ساقيا، نوصل للبحر.

نقعد عالرمل. و نبقى نبحلق .

هه،. هكا هي صار الدنيا؟

هكا هو صار المكتوب؟

هكا هي طبيعتي الزفت اللي خسرتني في الناس لي نحبهم الكل

أمي كي عادتها

باش تلوج عليا الصباح بكري

تلقاني مغطية المخدة بالطول، بالملحفة الصفرا، و عاملة فاها أنا تحتها.

باش تسبني، و تقوّم بابا يجي يلوّج عليّا

بلاصة جديدة و مخبأ جديد

باش يصيح و يقلها ميهمنيش فاها

باش يقلها خلاّها تهمل الله لا يرجعها.

دعوتك هالمرة باش تتقبل، مانيش مروحة.

عجبني البحر اليوم، بدني سخون و يحب يبرد

ندخل فيه ب دبشي

و نبقى داخلة لين يفوت عنقي

و منفيق بيه كان ماه دخل ل فمي

مانيش باش نغرق

نعرف نعوم

لا لا، نسيت كيفاه..

لحظة.. شبي يديا جامدة

ساقيا تجبد فيا ل قاع البحر

تي لحظة نعرف نعوم

لحظة نحرك اطرافي، متشنّجين

لحظة، منحبش نموت تو،

لا البحر اللي ولدني مش باش يغرّقني

لحظة اللي حبني مش باش يكرهني

لحظة، اللي خلق ما يضيّع

مالا انا وين تو! تي هاني ضايعة .

نسيت نعوم

نسيت نصيح

نسيت اللي الدنيا شطر فجر شطر صباح

حد ماو شيسمع

نسيت اللي حد ميهمو نغرق ولا نتبلع

لحظة. تو يجي دلفين ينقذني

يهز يروح بيا ل دارنا

ندمت، منحبش نموت.

لحظة.. باهي خليني نقول اللي نحب قبل لا تهزني

نحبك، نحبها ،نحبو، نحبهم

اي و هوما؟

ميهمش.. ميهمش يسمعوك ولا ميهمش يصدقوك مرة اخرى ولا

ميهمش .

باهي كمّل،. مزلت نحب نكتب كتابي، مزلت نحب نحل معرض

ّمزلت نحب نحبّ و نتحب

ّمنغير ما سعدي يتكب

مزلت نحب نضحك

قالي محلاها ضحكتك، تخبيهاش بيديك

وينو؟ ايدي من فمي م تنحاتش

وينو، نوريهالو كان هو.

نضحك كان ليه و معاه و بيه.

وينك ارجع،.

يعمبو خشمك مكبرو

هزو بعيد عليا.

الناس سمعت، بيك و بيا

كهو تو. لازم نتفارقو

تمت اللعنة. لازم نبعدو.

الناس سمعت، سمعتني نشهق و نبكي

و هو البحر ماهيش دموعي

دموعو ماهيش دموعي.

نحب نروّح، نطلب السماح .

معاش نجم نتنفس..قلبي ..

إيجاو هزّوهولو..

ايجاو هزّوني.

روّحو بيا .

سيدة جعفر

نهايتي