نكتبلك

Maryem Ayari - مريم العياري

نكتبلك

نكتبلك مغير ورقة و كان لزم بلاش حبار

نكتبلك الفرحة و الحزن الي في قلبي صار

نكتبلك بالتبسيمة عالشفايف و بدموع تبكي علي بيناتنا كان

نكتبلك بالدم ،بحرقة كل ام و عرق الي سعى و شقى و مالقى خدم

نكتبلك بالعينين الي بيك مسحورة و بهم البلاد المغبونة

نكتبلك بالغصة الي في القلب مدفونة ، و بدموع الي تعب يجري ورا لعجب مغير لا حب.و لا تحب

نكتبلك حروف مفرتة في تراكن المدينة ، في كل تركينة غناية توصف رواية ساعات ضحاكة و ساعات بكاية

نكتبلك بلهفة،بكلام مش مسموع و عالناس ممنوع

نكتبلك بمحبة مش موجودة في كتب الدباغين و لا الي عالكياس مفرتين ...محبة مصنوع ليك و مفتونة بخزرة عينيك

نكتبلك بالسكات مش بالحس ..نكتبلك و نحبك تقرالي و تحس

بقلم مريم العياري