Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

"ما يموت حد ناقص عمر"

ressentiment-trahisonSarah Messaoudi - ساره المسعودي

وأنا ما نحبش نموت ناقصه أحلام..

ما نحبش نموت قبل ما نعيش مع روحي أيامات..

ما نحبش نموت قبل ما نبني عالمي الخاص،

نزرع ياسمينه في جنينه ونشرب قهوتي حذاها كل صباح..

ما نحبش نموت قبل ما نلم الأنتيكا ونسمع أقدم الغنايات..

وحيوط البيت تلمني، تنسيني اللي تعدى وفات..

تعودت نلقى راحتي في حاجات بساط..

ما نحبش نموت قبل ما نفيق وأنا راضيه عاللي نعمل فيه..

وما نحبش نضر الناس اللي نحبهم،

وحتى اللي ضروني بلاش معرفه..

وما نحبش توفى الحكايه بهاذي المغرفه ٱش هزت،

نحب ٱش هزت وٱش خلات..

ما نحبش نموت قبل ما نعمل ثروه: قصص، مجلات، كتب، روايات وحكايات..

ما نحبش نموت قبل ما نخلّي ورايا حاجه عملتها بلهفه وحب وبرشا إحساس..

ما نحبش نموت قبل ما نكون ليك..

قبل ما تكون ليا كيما نحب،

ما نحبش نموت قبل ما نتعلم نرسم،

نرسملك وجهك على خيال السماء..

ونمارس فيك مواهب الدنيا والدين..

وقبل ما نحاسبك،
على لمعة عينيك الكذابه..

ويديك اللي حسبتها باش اتبع لٱخر الدنيا..

نويتلك وشمه على كفك..

اتبعنا للموت،

وما نحبش نموت،

من غير bucket list،

وقبل ما نوّلي اللي نحب الكل،

ويمكن نعثر،

يمكن نوخر،

يمكن البسيط يوّلي مخطر..

ويمكن طحت manque وما عادش نصبر..

والصحيح إنّي نحكي عاللي ديجا مسطر،

أما أنا قلبي دليلي وإنت تدري أكثر،

تعرفني كي نحس ونجس..

وتعرفني نحبك حتى كان ماكش تابع الحلمه..

وما نحبش نموت،

قبل ما نفرح..

مليت ماللي على جلدي ومش قياسي..

لازمني اللي يواتي،

وما يواتيني كان شفرك باكي،

بالك وقتها نمسح وجهي المبلول..

ونرجعوا مالأول..

إنسيك اللي بيك،

حتى كان القلب ناسيك،

وما نحبش نموت،

قبل ما نرجّع قلبي من بين يديك.

ساره المسعودي