ديمة نسال روحي زعمة يستدعاني للعرس وكان ستدعاني زعمة نمشي زعمة بش انجم نشوفو يصحح في ورقة الصداق زعمة بش انجم نخبي دموعي ولا بش نطرشق بالبكا أكيد كان باش نولي نبكي الناس الكل باش تعرف إلي هو كان حبي وروحي وكل شي في حياتي

أكيد باش يعرفوا إلي انا عديت معه احلى أيامات حياتي أكيد باش يعرفوا إلي أنا كنت كل فرخة الصغيرة معه بكلمة ينجم يضحكني وبكلمة ينجم يبكيني أكيد باش يعرفوا إلي انا كنت عاملة بعمايلي معه

زعمة كان ممشيتش كيفاش باش يتعدى نهاري أكيد مانيش باش انجم نقوم من الفرش من كثرة لبكا

زعمة باش انجم نشوفو مروح بمرتو باش يعديو أول ليلة مع بعضهم زعمة باش يجني النوم وانا نعرف إلي هو فالفرش مع وحدة غيري يشدلها في يدها ويبوس فيها ويلعبلها على شعرها ويقللها في كلام كان لزم يتقالي انا ديمة نقول إلي انا نحب نشوفو فرحان حتى كان مع غيري شب كانوا يستغربوا فيا كيفاش انجم نرضى نشفوا مع وحدة أخرى كنت ديمة نقوللهم من كثرة حبي ليه نرضى باكثر من هاكا ولي مايعرفوهيش صحابي إلي انا كنت مقتنعة بحاجة إلي كان كاتبلنا باش نكون مع بعضنا حتى عبد فالدنيا ماينجم يبعدني عليه ولا يبعدوا عليا وكانوا مش كاتبلنا لعل فيها خيرة