انسی.. سبحان اللي جعل النسيان نعمة .. و بيه الدنيا تزهی و تحلی.. هذا كلامهم في كل مرة راو في عينيا الدمعة ..

يحبوني ننساك يا وجيعتي .. يا ساكن قلبي و كبيدتي .. كيفاه انا ننساك .. و ننسی الدنيا اللي حبيتها و انا معاك .. ننسی الفرحة اللي عشتها معاك ..

ايجا قلهم و احكيلهم علينا .. كيف كنا كالعصافير طايرين و قداه كان عنا برشا عباد منا غايرين... ايجا داويني .. بحبك احييني و في صدرك ضمني و خبيني .. ايجا اخطفني قبل مالموت يهزني منك و يبعدني ..ايجا ارويني باللي حرمتني منو سنين و سنين ..

ايجا نكملو السطور ياللي خليت القليب مقهور.. بعدك لا عرفت لا راحة لا هناء .. شنوة ذنبي انا كيف حسبتك كيما الهواء و الماء.. باهم نعيش و نتروی ..  

قتلي منخليكش و ما نخليهاش بيك .. قتلي انت متاعي وحدي و نغير منهم عليك.. رسمتلي الدنيا الوان و مستقبل مزيان .. و بين ليلة و نهار مشيت .. قلبي و روحي معاك هزيت .. حطمت في لحظة كل اللي معاك تمنيت .. حتی انا  اليوم قررت ننسى و هاني مشيت .. لا عاد نمرجك لا نغير عليك .. لا عاد نقلك نحبك و لا نموت عليك..