Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
في دنيا أخرى
Saida Jaafer - سيدة جعفرتتفكر وقت قتلك قداشني وفية ؟
قداش وعدتك نبقى نحبك
و بكلمة نحبك نقعد في قلبك حية ؟
و قداش كتبت عليك سنين
و انت م كتبت حتى حرف علي؟
تتفكر وقت قتلك راك فيسع تفد !
و لا عمرك لا تكبش و لا تشد
لا الصحيح، و لا يد
الصوابع بيناتهم برد
ناقصهم صوابعك يشدوهم و نكمل
و نِكملو
و نتكملو ببعضنا
و ما نتكلمو
قداه لينا ما تكلمناش؟
لا وينك لا كيفنك لا علاش معاش مبعضنا لا لبعضنا معدناش!
من وقتاش؟
البرد دخل قلبك
و ف عوض تطلب مني الدفى كي عادتك
هالمرة سكت
قتلي تو نحكيو و حتى كلمة ما تحكت
حتى حرف ما خرج
شبيك بكت..
بلعت حروفك اللي مالمفروض ما تخرج غير ليا
و اللي مالمفروض تحس بيها خانقتك و مبعدتك عليا
كنت تحكيهالي باش نقربو
و ف كل كلمة و بين كل كلمة و كلمة بوسة نتطعمها كي الحلمة
اللي كل ليلة تزور فيا فيها
و ماكش راضي تفسرلي
علاه ف منامي تجي اكثر ماللي في الحقيقة
علاه كل ما نتبنن حضورك في بالي، تفجعني الفيقة
و لا فيقة فقت منها و لقيتك حذايا
نتحسس في خيالك قدامي و تحتي و فوقي و ورايا
اما ماكش موجود
قتلي نكسر كل الحدود
و نجي وين انتي
الفايدة نكون معاك،.تي راك بنتي
بنتي اللي نهار منراهاش نتوحشها
و غيابها يوجعني
بنتي اللي غزرة منها تفيقني
و للدنيا ترجعني
أما تعرف روحك في اللخر شنو كسرت؟
مش الحدود
كسرت قلب فيا حبك
و بكل برود، قتلي معاش نجمو نواصلو هكا
كيفاه هكا تحب انجمو نكملو! منجموش بالطبيعة!
باش نوجعك و توجعني، و مش باش نربحو شي غير الوجيعة..
أخطاك مني و أخطاني منك
و من منك و مبنك و محنك
أنا معاش انجم
خلينا نتلاقاو ف دنيا أخرى
نحبك فيها و تحبني أكثر يا الحنينة
و كي نقولهالك
نحس بالكلمة قداشي بنينة
من بين شفايفك
و تسمعها مني داخلة وذانك
و ف دنيا أخرى برك
هكاك انجمو نحبو بعضنا..
سيدة جعفر
Website Design Brisbane
Tags: