خرجت في الليل حفيانة كرهت الغمة لي بحذانا

حسيت نسمت بلادي الحنينة شميت ريحتها البنينة تعدات مستني كاينها فيقتني

جريت لدار الجيران للي الخلخال لي في ساقي بان

من صوتو قريب يقيم الآذان, نحيت مسك الليل شميتو فكرني في الزوالي لي حبيتوتعدات سنين و ما نسيتو..

تمشيت في الزنقة على طراطش صوابعي لقيت أكا الشباك الأزرق  دوب ما حطيت عليه يدي نزلت دمعة على خدي إييييه تفكرت أكا الأيامات والحكايات تذكرت ريحت البخور والكانون المعجعج يدور و زغاريت البنيَات على للات البنات لي خذات لي ما تمنات و رضات بالعادات و من نهارتها  شمعتها طفات عينيها تحكي في برش حكايات تي دفنوها ! و قالو خذات تهنات