على خاطرها موش كيفهم

pense-a-elleImed Baklouti - عماد البقلوطي

على خاطرها موش كيفهم و على خاطرها مختلفة عليهم.

دقت على باب قلبي و دخلت منغير ما تشاور، و قلبي ما كانش مالعاكسين قلها "جاية تشتي و تدفى و إلا تحب تعدي الفصول الكل؟

" قاتلو "خلينا فالدفى ما تعرفش عالزمان و زيد اسمي اسمهان و ما نسكنش في كل مكان" فرحت و قلت لعلى الشتاء يطول خلي كي نبرد نلقى عيداني نصنع بيهم كوخ و نبيتها في احضاني..و امشي يا زمان ويجا يا زمان و جاو برشا كراي لهالمكان ،

وليت نهارين عندها و نهار عند الجيران، فدت و سمعت ما كتبلي من ملام، وانا سارح و قلت هالكرية حاسة بالامان هات نعيش سلطان زمان...مولات الدار تعبت من حلان البيبان و "قاتلي يهديك معايا اطمان" خذات المفتاح و استنات، و انا باقي نلوج فالجيران ..فدت..

قاتلي يا فلان هاذم مفيتحاتك و فيلمان.... ورجعت الدار سقف و قاعة ..... و من حينك...... ندمت.... شعلت ما بقالي من عيدان و رقدت و قمت بردان و لتوا لا جاني نوم

عماد البقلوطي

على خاطرها موش كيفهم