Zaineb S. - زينب س

ولدت و جبت توامة بنية و وليد سميتهم يعقوب و مرام ،احلى حاجة في حياتي نهارة اللي ريتهم احساس الامومة حاجة غريبة و ما تتوصفش ،شادتهم بين يديا كل واحد في يد مش مصدقة

-هارون ايجا شوف ،هذوما متاعي انا نحكم فيهم و نعمل اللي نحب

-ههههه عزيزتي متاعنا متاعنا ،ياخي جبتهم وحدك انا زادة بوهم

-هارون شو يعقوب كلكو انت

-ههههه اي مالحب اللي حبيتهولي

طبس هزو

-سايس سايس شدو من راسو

-ما تخافش هاني شادو

-هارون شبيك ياخي فرحان بيعقوب و مرام لا قداكش راسيست

-ههههه يا بنتي صلي عالنبي ،جدت عليك لحكاية بنتي هذيكا بنت الغالية- باسني من راسي

بعد لولادة تحليت زدت فالميزان و قعدت لبلايص في كرشي تقول دلاعة محلولة و هبطت على سروال ،شي ماعاد يجي قدي ناقف قدام لمراية و نبدا نهز فالمريول نشوف في بدني نشرب كرشي ندهن بالزيوت لكل ، هارون

يدخل و انا نغطي روحي فيسع ،يجيني يحملني

-شبيك من شنوة حاشمة

-حتى شي هارون حتى شي

-غالية راك بنتي مربيك على يدي قولي شبيك

نبعد عليه و نقعد عالفرش نبدا نبكي

-هارون امان شوف بدني كيفاش ولى ،تحليت بكلي و كرشي زادت مخيبتني ،قداش كرهت روحي يا ربي

يقعد بجنبي يشدلي يدي يبوسها

-شبي مخك صغير جايبة زوز صغار راك حاجة عادية

ننطر يدي

-هذا في عوض تقولي لا مازلت مزيانة تقولي حاجة عادية يعني مستعرف اللي انا تبدلت و وليت خايبة

-توا انا قولت هكا ؟

-قولت ولا ما قولتش سايي توا ماو تحب عالصغار

-اووووه غالية مش نورمال انتي وليت ،اقعد فيها

خلاني و خرج و انا قعدت نغزل و نبكي .....