اسمك .. كلامك .. ضحكتك .. عينيك .. و ريحتك ..

حاجات ينجمو يتحكمو فيا .. ما فما حتى شي فالدنيا ينجم يخليني نطيح كيفك .. نعرف الي انتى صعيب و ما عندك وين يدور الريح .. اما ما شافوش القلب الابيض الي ريتو انا .. و حنيتك عليا .. تعنيقتك الي دفيني بكلي .. ايديك كي يتحطو على خدي .. بوستك الي تسكتني بيها .. نجم نحكي برشا على الحاجات الي نحبهم .. و نعشقهم فيك ..

ما نجمش نحكي قداش كلامك يوجع .. حاجة نحبها تقعد بيني و بينك ..

غيث .. اسم يمثلي الدنيا الكل .. اسم يخليني ما نعمل شي ..

ضحكتك .. تحلي بواب الجنة على الارض ..

عينيك بحر كبيييير و انا ما نعرفش نعوم .. غرقت و مانجمتش نخرج ..

ريحتك .. الي نطلعها ما بين العباد .. و ما فما حد عندو منها ..

صوتك الحنين .. كل كلمة تتقال ما نعرفش اش بش يصير و يصير فيا منها ..

كل شي .. انتي قد ما نحكي و نحكي .. ما نجمش نخليهم يحبوك قدي ..

انا الي نعشق خزرة من عينيك .. انا الي ما نجمش نقعد ما نشمش ريحتك ..

توحشتك ... !!