خلليك بعيد

loin-des-gensMelek Mabrouk - مالك المبروك

خلليك بعيد و لا تقرب

و النار تكويك و تهرب

و إطول تخمام فيك و تضرب

خليك على حدود الهوى

تكييف و أنفخ دخانك في السما

تكييف حتى إصيبك العمى

و لاتشوف و لا إهممك

هي نكتار سممك

هي فيروس دممك

هي خنار هممك

هي ريق فممك

هي دمع الخوان

هي نصب و كتمان

هي بركان الهامد

هي النبض اللي في عرقك جامد

و تقول اللي تحس و تبني مالرمل قصور

لاتهدها الموجة و عليك تتمرد و تحفرلك حفرة تحت قصورك

و تستنالك دورك و تنسى بحور كلامك و حبك و إيمانك

و التوبة تناديك و الجمع صلاتك و تكبر ذنوبك و ماحد يسمع صوتك ..

خلليك بعيد و لا تقرب و لا تسئل و لا تجاوب

خلليك وحدك و لا تعمل شريك و لا تممن حتى لو عددى زمانو بيك ..

و تحب تكون و لا تكون هاذي حيرة مجنون في زمان اللي إحب إخون ...

مالك المبروك
خلليك بعيد