حبيتك و الحب بلا .. عشقتك كيما عشق الطير السماء .. قد منحب النجوم.. ..قد مدخل لصدري هواء ..ليوم انت  الجمرة الي كواتني ..انت  النسمة الي هويتها و خلاتني .. انت الوجيعة الي بالعرق بالعرق كلاتني  , مخلات فيا شي.. وفاتني .. كنت نشوف الدنيا في عينيك أكثر من روحي والله خفت عليك .. حلمت معاك و بيك ..

موش وعدتني تحبني لاخر نفس يدخل لرواريك ? .. موش قتلي انت حياتي و راني نضيع بلا بيك? .. موش حلفتلي بوالله لا نخليك ! .. علاه ? مكنتش لمرا الي في حزنك بحبها تواسيك ?  مكنتش لمرا الي تعفس على قلبها باش ترضيك ?  منيش أنا الي انحي من فمي و نعطيك !! .. نسيت?!  نسيت قداه بعت ناس باش نشريك?...قداه حبي كان مواتيك ? ... قداه من حاجة خايبة بدلتها فيك ? ...

حبيت نمشي معاك لبعيد .. حبيت نفرح و نفرحك.. حبيتك انت لي تعطيني وردة في كل عيد ..باش  كافيتني ? .. هاك خليتني!..  قال شنوة تفركس في حب جديد .. و يلزمني ننساك و نكون قوية قلبي حديد ..

تحبني ننساك ?!.. باهي علمني منتوحشكش.. علمني نتنفس مغير هواك..  علمني نفرح واني منيش حذاك..  علمني نتهنى كي نبدى موش معاك.. علمني منبكيش !.. متقليش أنسى ! موش ساهلة ! متعجزنيش !تعرفش كيفاه ? .. الزمان يداوي.. نعلم روحي نعيش, و حبك عندي ماليوم  شي ما يساوي ..نعلم روحي نقدم و  ننساك ملا شنوة ناوي ? .. صحيح حبيتك هبلة بيك.. أما توة فهمتها و استوعبتها.. لاك ليا و لاني ليك ..خليك في عينيا راجل .. نتمنى معاها ربي يهنيك .. امشي قلبي ماليوم سلم فيك