ثلاثة سنين
Hayfa Ben Hamda - هيفاء بن حمدةثلاثة سنين تعدّاو في رمشت عين
تقول حلمة .. تقول نجمة ضاعت بين سما و سحاب
تضربت فيّا .. بديت تتمعشق و عيّشتني عيشة هنيّة ...
حب رغم البعد كبر .. تغذّ من روحي و روحك و مالوحشة الكلّ ....
قتلي أصبر عليّا نمشيو فرد ثنيّة ... و أنا مرتك متهنيّة
نقراا .. ننجح .. نوصل .. نفرّح أميّ و أمك و نجي نبوسك و ليّ نحوزك ..
عام تعدّ متفاهمين .. عالغربة متقوّين .. و عالحب متواعدين ..
عام تعدّ ناجحين .. رغم الوحشة متنازلين و بالقوّة الكلّ مواصلين ..
طليّت عليّا في هاكي الصّيفيّة ... جبتلي هديّة و قتلي السّنا نخطبك تكون ليّا ..
عام آخر ما تعدّاش ..... ما فهمتش علاش
تبدّلت .. قلبي قهرت .. و روحي غدرت ..
يا روحي علاش .. كيفك ما فمّاش .. و البعد قلبي ما يرضاش ...
هانت عليك العشرة و خرجت مالقشرة ... يا ليتني ما ستنيّتك هالفترة ..
يا ميمتي راهي غدرة .. أكبر قهرة ...
منيّ تتهرّب .. في دموعي تتفرّج و من حبّي تتجبّد ...
عام.. إثنين ...ولّ عشرة ... مالي إلّا بش ننسى ...
خلّيت لعزّ و تلوّج الوزّ ...
هيفاء بن حمدة
Website Design Brisbane