توحشت كلامو

femme-attend-copainÉllai Belhassen - ألاء بلحسن

توحشتو .. توحشت كلامو .. توحشت الخزرة من عينيه .. توحشت البسمة على خدّيه .. توحشت كلمة " توحشتك" من فمو .. يا ريتو كان يجي و يقلّي نحبك .. يقلّي أنا ليك و انتي ليّا يا أحلى ما رات عينيا .. حبك طيرلي النوم من عينيا .. أما حبك أنت خنفني ما خلانيش نعيش .. خنقني مرحمنيش ...4 ليالي نحلم بيك ..و أنا الّي ليا 9 شهور و 20 يوم مريتكش ..

أما نعرف لعلماء النفس يقولو كف تحلم بعبد برشا مرات معناها راو هو زادة يخمم فيك و متوحشك .. لحق أنا منتصورش الكلام هذا صحيح .. خاطر كان جا بالحق راك حكيت .. راك كلمتني و عبرتلي مخلتنيش مرهوجة ومن حبك مش منجمة نخرج .. مش منجمة نبدل عيشتي لرسمتها على وجودك .. حتى من قلبي لحبك .. قاعتا و قتلتوا أما شي باقي نخمم فيك ..

يمكن خاطرك مش في قلبي برك ... انت تجري في عروقي .. مترّع في كل خلية في بدني .. و ماكش حاسس لوجودك في نصّ حياتي ...لا معايا و لا مسيبني .. معرقني ..محبسني مش مخليني ناخذ حتى قرار في مصلحتي .. كل مانجي نقرر على حاجة لازم نحسب نسة وجودك فيها ... حسيتك مجود في كل تفاصيل حياتي أنك وليت حاجة لازمة بالرغم لكنت عايشة من غيرك قبل منعرفك و عادي متقلقتش ... أما أنت وينك بعد هذا الكل ؟؟ مش موجود .. أما الحاصل حبك حرّم العيشة علّيا و ربي يتولاّك

 توحشت كلامو