بلا بيا ما تنجمش تعيش
Shayma Grine - شيماء ڨرينانا المرا الحمرا اللي تعفس عالجمرا
انا الموجة العاتية و الشجرة الخضرا
انا الي سميتني عورة و انت اللي بضحكتي تبرا
انا اللي نسيتني و حقرتني و بكيتني
انا اللي في بالك كسرتني و ذليتني
نرجعلك اليوم و غدوا بش نفكرك و نزيد نقهرك بضحكتي بخدمتي بكسوتي و خلخالي و سفساري
انا امك الي ربيتك و كبرتك انا اختك الي تخاف علاها من كلاب البرا
انا العرفة و الخدامة و المعلمة البراحة
انا الي خدمت عليك وصرفت وقت انت من قهوة لقهوة بسيجاروك تدور
انا اللي بتحرشك و قباحتك نقاومك و نلعنك و نزيد نخرج
نخرج و نعيش و نشطح و نبرح
كيفاش و مازلت تقولي عورة ؟
تي طززز
انا اللي بلا بيا ما تنجمش تعيش !
شيماء ڨرين
Website Design Brisbane