انا غلطة حياتك .. انا حب تحب تنساه .. انا لعبه دخلتها في غلطه و تحب تصلح الي عملتو .. انا قلبك الي ضيعتو .. انا همك .. انا مرجة حياتك .

انا و انا و انا .. و انا كل حاجة خايبه فيك ..  انا كل وجيعة حسيتها و كل دمعة هبطت من عينيك ..

انا الدم الي نتخيلو يجري من يدي و رورحي الي نحبها تهرب من بدني .. انا برشا حاجات خايبة .. انا غلطة.. و خلطة حكايات غريبة .. و احاسيس خايبة ..

انا حبي للموت .. انا ضحكتي الصفرا و دموع عروقي الحمرة ..

انا فكرة انتحار في بالي سنين ..

انا غلطة عملتها انت ب اديك .. نخمم و نسرح .. انا هكا .. لا باهي مزروع فيا  و لا فرحة .. انا حزن اكهو ..

اضحك و اضحك بصوت عالي يالي تحب تنساني .. حزنك تنساه بفرحه .. انا حزنك .. يلا انساني بضحكه.. انا حزنك الي ماعدش احب يتنفس .. انل كل حاجة خايبة فيك و كل حكاية مره مخبية فيا ..

زعما تحملني و تعنقني و تقربني ليك .. نسمع قلبك طاير و تقلي غالطه فلي تخرف فيه.. انت جنتي و فرحتي الي بلا بيك منجمش نعيش .. زعما .. ههه تعنقني و تقلي انت بنتي و روحي و مرجة حياتي الي بلا بيها نضيع .. زعما كنت فرحتك في يوم .. زعما حسيت هكا نهار ..

انت اي انت يا مرجتي و روحي الي قتلتني .. يا فرحتي الي حرقتني .. يا  ضحكتي الي بكاتني .. انت حكاياتي و سهري ليالي .. انت دموعي الي تمسحت ب يديك .. و تبسيمتي الي راتها عينيك .. انت مرجة حياتي انا ..