في ليلة كيما الليلة ولينا صحاب ، تعدى عام على معرفتنا لبعضنا ومش عارفة كيفاه تعدى ، شوي مشاكل على برشا حب ، على برشا غيرة ، على برشا وجيعة ، كنا أغراب و في جمعة كيف هكا قربنا و ولينا حباب ،

في جمعة كيف هاذي العام اللي فات كنت تبعثلي وتسأل على أخباري ، في جمعة كيف هاذي شاركتك شطر أسراري ،، مخيبها الدنيا ، نتذكر كي حكينا أول ليلة ، نتذكر غرامي اللي خبيتو في قلبي ، نتذكر الضحكة اللي ترسمها على شفايفي كل ليلة ، نتذكر نصايحك ليا باش نكون قوية ،

نتذكر الفرحة اللي في عيني كي نلقى مساج منك وفيه تسأل عليا ، نتذكر اللي عملول في وقت كي هذا كنت ليا ، بقلبك و بدنك و عقلك ،، كلك كنت ليا ،، ياا حسرة ،، الدنيا تدور و الوقت ما يقفش ،،و وحدو القلب يبقى متذكر قداه كانت أيام حلوه وقداه تمنيتك تبقى ليا وقداه كنت مستعدة نعطيك حتى عينيا ، اما الله غالب الدنيا والزمان ما يرحموش وكيما كنت ليا في وقت كيما هكا العام اللي فات جات اللي ملكتك العام هذا وقلبك خذات