الوردة الغدارة
Rim Wrak - ريم ورقكي عروق الشجرة يشيحو
و وراق الوردة يذبالو و بغصة يطيحو
صغيرة في وسطك تصيح
منحبش الشجرة تطيح
و مازلت نتفكر هاك النهار مليح
شعرات هاززهم الريح
نفخت عليهم و تمنيت
تمنيتك ياسمينة
حبيتك شجرة في جنينة
زرعتك في تركينة
و شتهيتك في وسطي نخلة
و على خدي بوست خال كحلة
و ستنيت روحك فالحلمة تجيني
تبنن بيا و ترضيني
ستنيتك في منامة تجيني
تمسحلي كحل سال من عيني
و ترسملي عالجبين وشمة
وياطفلة يزي مالحشمة
ستنيتك تبعثلي جواب معطر
معا حمامة تمشي بالرنة و تتبختر
و كيفك و كيف اخبارك ؟
و ياسمرة شنيا لي جرالك و شنيا لي غيرلك احوالك ؟
و كي عروق الشجرة يشيحو
و حتى كي الدنيا بيا تضيق باقي نراك في اخر الطريق
حتى فالبحر و أخر الغريق
تحكيلي عالباب و المنارة
و والوردة الغدارة
و الطفلة المسرارة
و ميترو الحرير
و التركينة فرغت
و الشجرة بش اطيح
ريم ورق
Website Design Brisbane