المرا و الراجل محبة و الا عداوة

femme-homme-paradoxeSoumaya Rahmouni - سمية الرحموني

شافها..عجبتو خزرلها خزرتلو.. غمزها ضحكتلو..قربلها و حكا ..و هي سمعتو...قالها نشوفك..ماقتلوش لا...زاد قلها راك عجبتني..قتلو علاش ل...و تعد النهار بعد النهار...و بدات الحكاية تكبر بينها و بينو...يكلمها و تكلمو..مسجات و تليفونات...يقلها كلام حلو ..يقلها كلام "بليد "...يضحكها و يهبلها بركاكتو الحلوة...مرة تحشم ...

و مرة تضحك و مرة تولي بليدة كيفو .."كوبل" ..محلاهم. في الحب غارقين و حدهم. ماهامهم في حد و لا حد هامهم قربلها و قربتلو ..فهمها و فهمتو ..عشقها و ...عشقتو.ستانس بيها و ستانست بيه اما الازم لازم و المشاكل ساعت ليها لازم كيما اي ثنين نهار متحابين و نهار متعاركين ...

راني متغشة عليه و نخمم فيه..ملا فدة لا بيه خليني نكلمو نرضيه.. لا يا بنتي رد بالك طفيه و احقرو و لا يهمك فيه .. الراجل يا بنية لا خير فيه... قد ما تذلو و شوية فيه.. الله غالب هكه قالوا اللي الراجل الخير ما يثمرش فيه ..احقرو يجري و راك و طفيه يركز معاك ...وووه علاه فاش قام ..انا متوحشتو..انا فاقدتو ..علاه مانكلموش .... خاتر هكة قدرك يولي ما يعرفوش و غشك ما يهموش و قيمتك ما تعنيلوش ..اهرب خلي يجري ..و ابعد خلي يقرب و احقر خلي يرضي ...

كيفاه...علاه .. و الحب الي بيناتنا ..متجيش هكه المحبة..هذي عداوة و خيانة للامانة ..املنة قلبي و قلبو و روحي و روحو ...الحب ما يجيش بالحسابات ...الحل ما هوش مرة عندي و مرة عندك ..الحب يجي شوية مني و شوية منك ...تضحك يا طفلة ...قداكش بهلولة و بكذب الحب مسحورة ..لا حب لا شي و الكرامة معاها ما بفيد شي ..الي تحبو يحبك متحبوش..و ياسر ما تقربلوش ..و قلبك ما تعطيهوش ... و في بدنك ما تسلملوش ما كانش تخسرو ..و تضيعو ..كاينك لا كنت و لا صبحت ..و في قلبو نهار ما سكنت و لا فكرو نهار شغلت ....

سمية الرحموني
المرا و الراجل محبة و الا عداوة