Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

الراجل بكلمتو

colere-ressenti-ex-enfantSarah Messaoudi - ساره المسعودي

ويكبر هاك الطفل ويتعلم يمشي..

وتكبر معاه الحلمه في قلبي..

ونحب نولي أم ونربي..

ونربح من الدنيا ولد يشبهك..

ياخذني منك..

وينسيني فيك..

ينسيني دوانتك وعيوبك الألفين..

ياخذ منك ميزاتك ويرمي الباقي..

وانحيلو الكلام الماسط وما يكونش بو وجهين..

يشبهك في صغرك وفي ملامح وجهك..

وكي يكبر يصنع روحو وحدو..

وباش نوصيه وكان ما فهمش يفهم بالكف..

اللي تخبيه في جيبك ليك..

واللي يطحتلك يجي نهار منك يتفك..

واللي اللقمه البارده ما تشبعش..

والهندي المقشر مش بنين..

البنه في تقشير الشوك..

والراجل بكلمتو مش بكثرة البنات اللي كلمتوا..

ووراه جرات ولا قدامو عرات.

واللي حكاية تو يطيح في خواتك قديمه ياسر..

خاطر مش باش نجيبلك خوات،

يطيحلك في الدنيا والآخره زاده،

وكانك مني هاي دعوه حاضره من ميمتك كان لعبت بذيلك،

إنشاء الله يتقص!

ولا تربحك.

******

(اللهم أرزقني بفتاة وما تخلينيش نطلع طفل مثقف وفي المجتمع يسميوه معقد)

ساره المسعودي
الراجل بكلمتو