Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
الحب و أسرارو
Saief Ezzine - سيف الزينالحب و أسرارو
و الحلمه و فعايلها
والذكرى كي تحيّر مواجعها
و فينكْ و فِيني كي وْفينا
و تفرّقت دروب لخطاوي
ما كنتش عل البعد ناوي
كان عناد محبّه و صدّقتني
و حرت نلقى للرجوع سِبّه
علاش في هاذي كذّبتني
و فينك و فين ريق الشّهاوي
الي رشقناه مسمار
في ضو نجمهْ
و كتبناه على زنودنا
من غير حشمهْ
و اللّسان برغوة لكلامْ
كي يلاغي شفايفكْ
و يرتاح في جناين الصرّهْ
و فين ضحكاتنا و هبلاتنا
و غريق سكاتنا بالدوه
و حضن اليد و تسبيح اطرافنا
كل ما نتهدّو بالوقت يزيدنا قوّهْ
قدّاش صْدَقْنَا في كذبنا
في حين غفلهْ
و الحب هُوَّا هُوَّا
و فينك و فيني منّي
من طريق مظلّم وحشتُو
كل ما نْتمتم وصلت يِبدّل قشرتُو
و كل ما نعطش وحشه ليك
يسقيني بالغصب غصتُو
وبين قديم ذكرى و محاين تِركهْ
عييت و تعبت فيه البركهْ
لا الضحكه ضحكهْ
ولا الشّراب يسكّرْ
ولا البنّه بنّهْ
حتّى النّفس نسرق فيه سرقهْ
و فِينك و فِيني توّهْ ؟
سيف الزين
Website Design Brisbane
Tags: