نحلم ومزلت نحلم.. نفرح  كي يسالني حد شنيا حلمك نطير بل فرحة نطير لفوق ونجنح ومعايا احلامي طايرة نبدا نتكلم وانا عايشة في دنيااا اخرى نحكي ونقول انا حلمي المحماة وفي بالي مصورة روحي وانا لابسة هاك اللبسة وقاعدة ندافع بكل قوتي وضميري عالمظلوم  ونفرح اكثر كي نرا لي لقضية ربحناها

وقتها نحس روحي اسعد وحدة فل عالم نخدم وفي خدمتي فما القوة والنصر نحكي ومصورا في بالي وانا عالبيرو لي معبي بشبعة اوراق وفوقو قهوتي لحلوا لي بيها يحلا يومي  وعلى ايدي لمين فما مكتبتي لي فيها كتب محمود درويش واحلام مستغانمي واثير عبدالله ومخائبل نعيمة ومعاهم بالطبيعة كتب لقانون نحكي ومصورة في بالي واتا قاعدا ونشرب في قهواتي  وتتطلبني ااسكريتيرا تقولي فما وحدة تحب تقابلك تدخل لبيريو مرا ضاهرا من منضارها لي هيا ضعيفة شخصية وجايا وقت لي ملقات بيها وين كان القانون