Développé par Création site internet freelance
 Houssem Hfaiedh - حسام حفيظعلى شميسة ربيعية مزيانة ..عينية الحزينة حليت ..ولروحي هزيت ...وللجبل مشيت ..مشيت وين نلقى راحتي وطمأنينتي ..وين نتحرر من كل شيئ كان مكبلني..وحبسني .. ..نستشق هواء نظيف؛ نسمع غناء العصافر ..نغزر لسماء ..نتنفس الهواء ..ونلعب بالماء..نكسر روتين جمعة كاملة وضغط ومشاكل وصعوبات وغصرات..
نهرب نتخبى بين الاشجار والنوار والاطيار ..ديما نتفكر الشابي واشعاره كي يفكرنا بحقيقة وجود الحرية
 Houssem Hfaiedh - حسام حفيظقداش يا امي من مرة باش نحكيلك ونعاود الي حبي ليك حكاية عميقة متوفاش ..قداش من لحظة معاك و تبسيمة الصباح وضحكة مزيانة منسيتهاش...قداش من ذكرى حلواا جمعتنا مع بعضنا ما محيتهاش.. قداش باش نقعد نجبد في هاكا الخبابل المتخبية...بالفرحة والذكرى البنينة معبية..مرسومة في قاع قلبي وموجودة في وسط فكري ...
حكايات و برشا محبة لميتهم و رسمتهم ليك مع عينيك وبرائتك الي حبيتها فيك.. رسمتهم مع خيالك المزيان وقدك الفتان ..قداش باش نكتب عليك من العشق والحب ..كي نغزر لعينيك ننسى التعب ..كي نعنقك بالقوي ننسى اني روح..نغوص في داخلك وفي ترانكك وبصوتك نبوح..انت وردتي المزروعة وسط قلبي بنجاحي نسقيك ونرويك ونغطيك ونزيد ندفيك ...
 Houssem Hfaiedh - حسام حفيظالحب هو وردة ورقاتها حمر اما بشكوك وتذوق المر .. هو عصفور طاير اما جانحاتو مكسورة مجبورة . هو طفل صغير فقد امو في الحرب ..قعد بجنبها يبكي فراقها ..الحب هو القدس الحبيبة .. هو فلسطين العزيزة ..هو اتحاد الالوان وتجانسها هو الابيض والاكحل ....
الحب هو دم الشهداء والابرياء والعظماء فداو رواحهم للوطن ومحبتوا المسكونة داخلهم تتغلل... الحب هو صغر ضايع في متاهات الحياة ...هو مراهق يتخبط مع طيات الزمن والاهات... هو كتاب طويل اما موضوعوا حزين...هو خاطرة عميقة تحكي على جهاد مناضل صغير ..الحب هو غشير ضيع كرهبتوا وسط الماء ولحق عليها باش يجيبها ..مشاء منغير ما يرجع.. .
 Houssem Hfaiedh - حسام حفيظالشابي يقول : "اذا الشعب يوما اراد الحياة فلا بد ان يستجيب القدر ...ولا بد لليل ان يجلي ولا بد للقيد ان ينكسر " وانا نقول اذا الانسان حب الدنيا وقبلها لازم تتحلو الف البيبان المسكرة والمبلجة ...الانسان تخلق باش يعيش ويتأقلم مع كل شيئ مهما كانت الظروف ..يتعلم ..يتفنن ..يحلم ؛ يطيح ويقوم.. يتكسر ويتلم.. اما المفيد يبقى انسان ..هو صحيح الدنيا تبدلنا تخلينا شواطن والا ملايكة والا جثة تتحرك بلا روح ولا نفس ولا هدف ولا حلمة ولا تعنيقة ولا حبيب ولا غريب ..  Houssem Hfaiedh - حسام حفيظبشنوا حلمت ليلتها ؟
ليلتها حلمت بروحي فرحانة، غشير صغير يلعب وسط الدار ..نلعب مع الاولاد وناسي وهموم ومشاكل العباد ..حسيت بروحي طاير وسط الغابات حاير ..وقتها غزالة ريتها بزينها حبيتها وبغزرة عينيها شديتها ..سلمت عليها وزدت حبيتها ونسيت بيها سنين تعدات .. وقتها شوقي ليها خبيت ..وفي عينيها وقلبها زدت حبيت ..تعلقت بتفاصيلها وحسيت ..
|
|
Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 |
