fatma omri
depressive-manqueFatma Omri - فاطمة عمري

و يعلم ربي.. قداش صبرت و كنت نبكي و نخبي

يعلم ربي اش محير وجع قلبي و اش مخليني نرجعلك و نحير لي مخبي .. و يعلم ربي لي وحدك انت الراجل لي عرفت تفضع عورات قلبي لي دفنتها سنين ..

سنين ؟ ايه سنين وقت انت متهني فالعسل تخزس فالبحر تصبح على بوس الشفايف و التعنيق و ما علبالك بالي في النار يتجمر ..

سنين ايه ..
Lire la suite...  
mirage-amourFatma Omri - فاطمة عمري

حيبّت في ليلة كيما هذي نهزك من حياتك نخطفك من حيوطك و نلم روحك في روحي و نمشيو .. مش مهم وين.

انت معايا و انا فيك؛ ننسى الخوف من غزرت عينيك ..

نطمان بيك ؛ و منين تشب نشب وراك .. عندك بين ضلوعك ؛ حتى فالظلمة نراك ؛ حبيت في ليلة كيما ليلة نسمه باردة و صوت الموج يضرب فالصخر يفيق المدرق من سنين ..
Lire la suite...  
pessimisme-mauvaise-chanceFatma Omri - فاطمة عمري

كيٍ تفيق م نوم يوصلك مسج مشوم .. يجيك جبر يهد فيك اكا الحجر .. يكسر لي ما يتجبر .. يجبدك من سابع سما لي انت فيها و يدفنط نحت لارض في أوحش قبر..
كي تشتهي كلمه تواسيك مثلا حضن ينسيك .. لمسة دفيك .. تي حتى غزرة تشفيك .. اما لا موش موجود مات دفنوه مش ممكن يقوم  .

شاهية ندخل يديٍ في بدني نجبد قلبي نحطوّ قدامي نحكي معاه : مخّك وين  ؟ ي بهيم وين هاززنا و ماشين ؟
ما تفهمتش الحيوط عالية عليك ، باهي هكا دموماتك تتناطر صاير فيك ؟ شببك شمذهب قلك شمبهذل بيك  ؟
Lire la suite...  
nostalgie-tempsFatma Omri - فاطمة عمري

.. عاد توة حصّلة ما في الصدور .

" اتوْ تنسيِ يَ كبدي " من هاك العام تقولهالي كيف نبدى على فرش الموت في حالة طبيعية جداً تاع اكتءاب ..

أميّ تعرف برشا شنية بياّ ، نحكيش انا ، لكن هي تعرف انا باش مريضة شنية يوجع فياّ و في كل مرة تكون تعرف لي روحيّ هي لي توجع لكنها تصر و تلح للجميع لي انا  المدللة موش تاع خدمة موش تاع تعب بدني و صحتيِ ابجل من زوز فرنك عند اي حد .. تصر امي "للجميع" لي سبب سواد ما تحت عيوني هو نوعية اكلي و شربي الغالطين .. و فرطة وزني سببها الراحه ، تجتهد في بث كل الأجوبة الأحمقة  الي ديما نلقا خشمهم في حياتي بطريقتها الكلها امومه..

Lire la suite...  
jalousie-amourFatma Omri - فاطمة عمري
علاش سكتت ؟

احكيلها عليا !
عشرتنا الكببرة و حبنا القوي . سهرنا و تصبيحنا ، كلامنا و سكاتنا خرجاتنا و هبلتنا ..

احكيلها عليا بالتفصيلة
Lire la suite...  
Powered by Tags for Joomla