Zaineb S. - زينب س
وصلنا نلقاو reserve 2 شنابر بجنب بعضهم ، دخلت حطيت دبشي رقدت عملت دوش اييه نحيت تعب الثنية ..لبست شورت قصير و بروتال شعري مسيب و ساندال خفيف في ساقي ، خرجت نشوف فالوتيل نتفرج فيه محلاه كبير 5* شفت وليد جيت بش اناديلو قص عليا راجل متعدي مدام شهرزاد عسلامة ..
عسلامة ..انا نحبك برشا و يعجبوني غنياتك الكل ..يعيشك ..بربي ميسالش نعمل معاك تصويرة ..اي ميسالش ..جا بجنبي و حط يدو على كتافي نسمع في صوت من تالي ..معلم نحي يديك و بعد اتصور (نلقاه وليد) ..نعم شكونك انت يا سيد ..يزي هذاكا يخدم معايا ..وليد : تسمع تسمع توا ولا لا نحي يديك عاد مادام مازلت موسع بالي ..